Dem boys always hear that wheh laugh story deh cry deh. De other night dem had a big public meeting in Aishalton and de people invite Donald de Duck fuh talk to the villagers.
Well everybody know that Donald is not a talk man, but he still wuckin’ up he mout’ in front of de people.
He talk a whole set of froff, and de people get restless. One-one baby start fret and some of de women in de crowd start fannin’ hard hard.
Dem boys know that something woulda happen, and dem wasn’t disappointed.
A big man get up and look at Donald de Duck wid a serious face and decide that he had enough of the bad talking about Opposition parties, the Waterfalls Paper and de Big Market paper. So he tun to he family and friends whilst Donald blabbin’ and he start fuh crack two jokes. Everybody start laugh.
De man ask Donald “Mr. President whappen to Nandlall?” Everybody laugh again. Donald tek out he kerchief and wipe he face like if he nervous.
Then de de man ask “Is why you prorogue Parliament?” Donald cough. People continue to skin dem teeth.
Is then a set a shirtjac man start pointin’ at de jokes man. Two of Donald bodyguards, a tall one and a short one, walk up to de man slow and seh
“So is you who been talking up?”
By de time de man go fuh seh no, is one box he collect from short man and he start fuh cry. Then tall man tell he, “You betta beat out or we gun drop yuh.”
Is wid speed de man beat out.
Later when dem reporters ask is wha really happen, one a Donald bodyguard seh that de man just get two tap behind he head, because he been quacking like a duck when Donald talk. Dem boys cyan stop laugh. People use to think Donald de Duck is a false name. Yuh see now!
Talk half and watch Donald de Duck mout’ good!
Oct 23, 2018Two helmet-tricks, three hat-tricks and an equal amount of doubles were recorded on an eventful opening day of the Third edition of the East Bank Football Association / Ralph Green Under-11 League...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]