Old people seh when mouth open, story does jump out.
Nuff mouth been opening in the last few months and de dutty story about a lot of dem corrupt top officials been tumbling out.
Imagine dem got a couple of boys who go in de bush and drink piwari wid some reportah boy from a place faraway name Sweden.
Dem boys know when de liquor sink in, word does come easy. Is de same cheap liquor mek a certain Chat-3 open he mouth and spill all he plans that he had fuh de waterfalls boss man and he staff
Is de same ting mek Keith de Borrower and Neil, de man from Down Under, get in trouble.
Dem drink some of de cheap stuff and de reportah ask dem about how gold doing in Guyana. Right away Keith de Borrower and Neil start fuh talk. Dem call for another round and de reportah from Sweden start writing. He mek sure he keep the rum flowing so that dem could keep talking.
Whilst dem talking , the reportah quietly writing. He write how dem seh how Guyana sell out its independence and how plenty Brazilians tek over de bush.
De reportah even write how de people does get rash when dem bathe in de dutty rivers in the bush and how de man who look like De Devil and he puppets sell out everything because dem kno dem aint gon get re-elected.
Well, Rob de Earth wake up early yesterday and do wha all de Bees does do fuss ting in de morning. Dem run fuh de Waterfalls paper fuh see what new dat dey do in the dark dat skin up. Rob de Earth see de story wha de Swedish reportah write and he call he Pee-Ess. He order de man fuh fire Keith de Borrower and fuh write de Neil de man from Down Under. Then he remember he na name Donald or De Man who resemble de Devil. De Pee-Ess even call some lady from de bush who own a restaurant.
Rob de Earth tell dem that dem gat to do a Shaggy and sing “It Wasn’t Me”.
Whole day yesterday, dem neighbour hear Keith de Borrower singing something de Shaggy song loudly pon top he voice.When he reach de high note, dem hear he choke. Whole day dem send out press release. Dem seh de reportah drink too much piwari and write wrang tings. Keith de Borrower even blame de Apposition fuh wha de reportah seh. He seh he love de PPP bad and he gun never left dem.
Dem boys know dat everybody frighten now. Dem gat to watch how dem walk and dem even watching dem shadow. Even de Fat Crook who shadow does cover everybody confuse. He na talk to no reportah on de Marriott.
Talk half and watch who drinking more piwari and den gon wrang talk
Aug 24, 2019Guyana’s fortunes at the female football development level continued its encouraging results trend when the Under-17 Lady Jags hammered St. Vincent & the Grenadines 6-2 in the opening game of a...
U.S. President Donald Trump’s new rule on immigration and nationality, published on Monday, August 12, is not different... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]