Dem boys surprised that is only now, after 20 years, that dem Transparency people realise that Guyana is the most corrupt country in this part of the world. Dey use words like chronic and crisis, but dem boys know long that Guyana gone past dem stage.
Guyana is one big outhouse. No matter wha yuh do, and how much yuh do, all yuh got to do is just sit back, relax and be private.
Yes, private. Dat is de magic word that dem guvament people like fuh use when fire deh pun dem wire.
De Chat-3 threaten people and talk a set ah lawlessness about a young female reporter. When he get skin up to the public, he seh was a private conversation. He boss man seh is a private matter. De police and all treating it private.
And is not only de Chat-3. When Devil Face fly out to Miami he use a fancy private jet, and when people ask wha wrang wid he mek he use taxpayers’ money, de guvament seh he medical issue was too private fuh anybody know about it. Dem boys had to dig deep fuh find de sturdy plug wha dem hospital people force in.
Nothing in dis country does ever be above board. Shaatie and de Fat Crook always telling de Guyanese people about private arrangements, public-private partnership, private sector investments and private investors. Is only time before de people start tellin’ dem fuh put all dey fancy talk in dey private parts.
As fuh de money jet man wha like fly Donald de Duck, he runnins’ suh private dat even de airport people didn’t even know about wha he does do. He private jet got to go to a private part of Timehri and park in a private hangar. Not even a private hire car can pick he up.
He suh private that he forget that he had he big money stash in he jet. Is dem US sniffer dog had fuh find all and remind he. Donald couldn’t even remember that he travel wid de man plane. Dat is private.
A big lady tell dem boys dat integrity is when a person is de same in public as they be in private. Well dis country deh in big trouble.
Talk half and see if we gun ever get any integrity commission.
Aug 24, 2019Guyana’s fortunes at the female football development level continued its encouraging results trend when the Under-17 Lady Jags hammered St. Vincent & the Grenadines 6-2 in the opening game of a...
U.S. President Donald Trump’s new rule on immigration and nationality, published on Monday, August 12, is not different... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]