Latest update April 19th, 2024 12:59 AM
Nov 30, 2014 Dem Boys Seh, Features / Columnists, News
When some people look at de way how people does behave dem does know who is scamp and who got a good mind fuh people. De Waterfalls boss man believe that he one-time friend, Donald Lamatar Duck was a man who had a good mind.
That is why when he get de trumped up charge he jump because he thought Donald woulda tell de people fuh back off, that dem wrang.
But Donald didn’t. In fact, he couldn’t because Jagdeo still running things and when Jagdeo give people instruction dem does carry it out. Jagdeo tell Cee fuh Satar fuh charge and Donald couldn’t seh nutten.
Cee fuh Satar seh that de Waterfalls boss man threaten he and Jagdeo holler, “Charge he.” Dem boys thought that he was some General Custer attacking Chief Sitting Bull. And Cee fuh Satar carry out de order.
When dem boys ask Donald bout Anil and de conversation wid Gilly, he seh was a private conversation. Well how come de conversation between de Waterfalls boss and Cee fuh Satar wasn’t private? And how come Anil ain’t get charge and de Waterfalls boss man get charge?
But wid Donald and Ohh Pee anything does happen. De Prime Minister from Switzerland come to Guyana. Donald decide fuh carry de man pun a tour of de city and dem pass by de Zoo.
De Swiss PM see a monkey in de tree and ask Donald is wha kind of tree. Donald tell he that is a mango tree.
Dem boys seh that de man peep and peep again then he tell Donald that de tree deh too close to Ohh Pee fuh be a mango tree. “It got to be a Chat-3, right Donald?”
Chat-3 is lucky people but dem got one magistrate who believe that he ain’t lucky. He sit down in de court like if he was cock of de rock and ask a lady if she would have sex wid a policeman in de court. He even ask de woman if she would have sex wid he.
Well de judicial service commission decide that he hot suh dem put he pun ice fuh cool off. Now he got to sex heself.
Talk half and watch de magistrate try fuh do back flip.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]