Latest update April 25th, 2024 12:59 AM
Nov 29, 2014 Dem Boys Seh, Features / Columnists, News
Ole people does always seh dat de longest rope gat an end. Well the Pee- Pee-Pee (Piss Pon People) get a laang rope and dem been trying fuh wrap it round de nation fuh years. Now de same rope tightening round deh neck and everybody know that people does flock fuh see or hear bout a good hanging.
Some of dem feeling de rope already and dem hollering bout blood in de Demerara River.
Wha go round gaffa come round back, cause de world is a circle, just like de noose that deh round dem neck. De Piss Pon People party try haard fun put good, hanest, hard wukking people in jail fuh no reason. De party get people fuh trump up all kinda charge. Some had plans fuh jail the Waterfalls boss man just because he exposing dem corruption.
Dem boys been in de court when de Magistrate who was to try de Waterfalls boss man tell de boss man that he had luck because Cee fuh Satar decide fuh drop de charge. Now is wha message de magistrate was sending? Wha you sow you does reap. De week ain’t even done and de Judicial Service Commission sweep de magistrate off de bench.
De Hay Hef Cee gat plans fuh change de kanstitushan and pelt all ah dem corrupt backside in jail. But dem boys seh that de Pee Pee Pee top men know jail time coming dem. Some get nervous. Dem try fuh move some money from overseas but that is another story. De Americans was watching it all de time. Dem tek all and some people crying.
At one time dem boys didn’t believe that Donald woulda get ketch wid de jail crowd. Some still got doubts but then he start fuh lose weight. Dem boys hear that de real reason Donald ‘Lamatar’ Duck start fuh lose he weight is because he planning fuh grease he skin and slip thru de jail bars.
Well if he could do that he deserve to escape but that is another story. De fat crook can’t even think about slipping out through de jail door. He pawn de Marriott to Republic Bank without de people permission. That is enough fuh send he to jail.
Talk half and listen fuh de jail door banging shut pon dem scamps.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]