“You can fool some of de people some of de time, all de people, some of de time, but never all de people all de time.”
When de Waterfalls paper talk about how Jagdeo give away de airwaves to he friends and he family without collecting a cent from anyone of dem, dem boys talk and de British, Canadian and United States ambassador tell Jagdeo that he should cancel de deal and share de airwaves equally.
Jagdeo get vex and seh how de foreign embassies meddling in he business. He send de Chat-Sh*t fuh represent Guyana at de America Independence anniversary function fuh buse and cuss out like wha he like do.
But de Chat Shi*t sell he out and tell de Hambassadah that Jagdeo mek a mistake. Jagdeo fume when he hear wha de Chat Sh*t do he.
Donald Lamatar Duck jump up and seh that he gun straighten de issue and everybody gun be happy within three weeks. Three years done and he didn’t fix nutten, not even he own presidency.
All he do, according to dem girls is lose weight and like he lose everything.
But dem boys seh is nah he alone lose. Guyana lose de airwaves because de man who resemble de devil share it out, like if he Mooma and he Daady did lef it in de will fuh him.
He share to Babbie, he share to Rob de Earth sissy, who live in America, he share to de goat party wha he belong to, and he give de lef lef to couple people.
Jagdeo best friend and he family radio reaching all over de country. De others, people can only hear dem if dem live next door to de station.
Dem boys did tell all de politicians wha Jagdeo and he kavakamites who he give de radio stations to, would do to dem and de country.
Today dem and all Guyana living to see it come to pass. Dem targeting decent people, honest people and all who exposing dem lawlessness, evil and corrupt ways.
And that is only de start. Dem boys seh is only time wid dem. People ain’t gun sit down all de time and allow these low-life crooks, vagabonds and scamps fuh tek way their voice.
Talk half and tek back you birthright.
Feb 17, 2019It was a quiet afternoon at the Georgetown club on yesterday afternoon as quarter-finals for the plates were played. First up were Ian Mekdeci (5) and Lydia Fraser (10). Fraser started off in good...
I didn’t use “reason” in the plural deliberately. There is one fundamental cultural, sociological and psychological... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]