Latest update April 24th, 2024 12:59 AM
Nov 23, 2014 Dem Boys Seh, Features / Columnists, News
These days, since you miss is de court. Don’t be surprised if somebody get charge fuh just looking at de president.
De Waterfalls boss man barely talk to Cee fuh Satar and he got to go to de magistrate court. De Waterfalls boss man got to go to court again Monday. He been going to court li’l steady this whole year. In fact, he go so steady that dem boys seh don’t be surprised if he start looking like de magistrate’s court or like one of dem magistrate.
Adam going to de High Court so much that he start looking like de Victoria statue wid she bruck hand outside de High Court.
Anyhow, de boss man been to a court in New York, wid a friend who owe child support. De case call and de judge ask de boss man friend why he not paying for de child.
De friend tun and tell de judge that de child nah look like ee.
De judge immediately tell ee, “You pay de money till de child resemble you.”
Jagdeo do so much wicked, evil and nasty things that he start to look like de devil. Is only a matter of time before he is de devil wid horns pun he forehead.
When evil things deh round dem dogs does howl. Everywhere de local devil go dem dogs does howl. At one time when people use to hear dem dogs dem use to think was de siren pun de car.
Now everybody get so accustom that when dem hear de dogs howling dem does seh de devil passing.
Everybody remember when Babbie cricket team lose last year. Fuh honour ee best friend who was the (former) President, he name de team de Guyana Devils.
Back to de court. Dem really want dem to jail dem boys or to bruck dem. That was clear from some emails dem boys see.
Well a magistrate did fine a man $10,000 wrongfully and de man was so surprised that he seh ‘Oh sh*t.”
De magistrate add on $5,000 and tell de man that is because you cuss in me court. De man seh, “Oh rass.” De magistrate add on $10,000 more. And she tell he every time you cuss I gun add on $10,000 to you fine.
De man quietly start fuh empty his pocket one by one. De magistrate ask he wha he looking for. De man tell she, “Ah looking fuh see if Ah gat enough money fuh tell you, ‘Carry you mudda s***t’”
Talk half and keep going to court.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]