Go. People stand up and dem does shout fuh tell people to ‘go.’ Is either fuh go home or got to a hotel or go to court. Sometimes it mean get out de way.
Sam Hinds go to Berbice and he lef deh. De bridge bruck down. De place dark, mosquito nuff and all dem got fuh eat is plantain chip. And everybody know Sam like he belly.
Dem boys tell he don’t go to Berbice because de place can be hell. De only body missing is de man wha resemble de devil. Fuh sure, de things he do to de poor people of this country, and de way he living, dem boys want to know if he does sleep when de night come.
He rob dem cane cutter and fuh add insult to injury he give dem a factory that wasting de cane and shortening whatever bonus money dem was to get.
He never fix de drainage system in town although he spend millions, never attempt to fix de sewer so that de drinking water and that mixing together; indeed he got most of de people walking, eating and sleeping in it.
Sam run way to Berbice because he couldn’t tek it. He lef de Duck alone fuh swim de whole Georgetown. Dem boys hear that he deliberately bruck de Berbice Bridge.
One thing though, Sam stay in Berbice is temporary. Jagdeo is a different kettle of fish. Dem boys swear when dem done wid he and Babbie and de Bees, who nah end up in jail gun end up in de Berbice mad house.
Go-pall already look like if he heading deh. De Ombudsman do he wuk in which Go-pall name appear. He shame of de report suh he running to court fuh get de Ombudsman report pull.
Dem boys hear that is not de Magistrate Court, de High Court or de Appeal Court he going to. Is Courts furniture store he heading to. He hear too much Courts ads.
Of course, de news is that Go-Pall moving. Dem boys seh that in he case, is one moving he got to expect and that is de movement of he bowels.
Talk half and send some suh-wah fuh Sam plantain chip.
Nov 18, 2018By Sean Devers The Guyana Defence Force (GDF) has won the last 17 National Boxing Tournaments since the inaugural one was held in 1966 at the Police Training School, but on Friday Night the Soldiers...
When the government announced copyright legislation will come next year, the first critic was former president, Bharrat... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]