Donald Duck send a letter to Blind Granger and that show that is a case of de blind leading de blind. Since Donald Duck prorogue de parliament he start fuh write de letter. He tek eight days fuh write four paragraph.
Do de Maths. He tek two days fuh write one paragraph. He send de letter to Chat-3 fuh look fuh any mistake and fuh see if it word right. Then he send it to Kwame fuh carry to Luncheon.
Dem boys see Kwame editing de letter pun he computer. Dem ask he wha he doing and he seh that Luncheon too old and that is time to prove heself to de Duck because de Devil ain’t deh no more.
De letter go back to Donald Duck and he couldn’t see any mistake because he gat cat-a-rat in one eye. He sign it. De letter full of mistake. A prep school child woulda never mek dem mistake in a letter to he teacher.
It go to Blind Granger who suh blind that he didn’t see that A.F. See get leff out de letter much less de mistakes. It tek Khemraj, who dem seh that he eye nah good, see de mistake as soon as de letter land in he hand.
He tun to Moses and seh “Dem eyes pass we. Dem prorogue we from de letter and de meeting.”
Wid wha reveal in de letter, dem boys want to know if de Kato school wha dem seh cost $780 million fuh build really cost $78 million, instead. But Donald Duck can’t see de difference. He gat cat-a-rat and besides, he seh that Kwame tell he that nought nah got value.
De man who look like de devil did know de value of dem nought. He move Doodnauth and Bisnauth, collect all dem nought from dem project and left Guyana at nought.
Talk half and hope that Berry tek out Donald Duck cat-a-rat.
Jan 21, 2019President of the Guyana Football Federation (GFF) Wayne Forde challenged participants of the Concacaf facilitated two-day Club Marketing Workshop, which c oncluded yesterday, to strive to implement...
The Police Commissioner told a press conference that Charrandass Persaud is being investigated for bribery and if possible... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]