Dem have an old saying that experience come wid age but dem boys don’t agree wid this. Dem got nuff example.
Dem had de races Sunday and a young boy beat nuff old man who had nuff experience. De young man win de Caribbean Motor Racing Championship and he do it in style.
Was he fuss season ‘gainst men wha’ been racing fuh years. Some of dem coulda been he fadda. He prove that skills mo’ important than experience.
Which brings dem boys fuh seh that it gat nuff people wha deh in the govament wha gat nuff experience but dem don’t have the skills.
Tek fuh example, Donald Duck deh ‘round before the Man wha resemble the Devil born. In fact, Donald coulda be he daaady. But de li’l boy tek ovah and run rings round Donald and all of dem. Up to today, although Donald, de man wid de age and experience suppose to be in charge, he tekking instruction from de li’l devil.
Dem boys always know that he slow to learn and quick fuh open he mouth and put he foot inside. One man seh Donald ain’t know he foot from he tail.
He own Ministahs dem talking how he surprise dem. Imagine Non Lall admit he pay back money wha he tek and Donald seh that de reportahs must ask he wha mek he pay back.
Non Lall nah deny de recording but Donald Duck seh that he got to send de recording to test to see if is Non Lall voice in truth. Can anybody believe that this is de president?
Dem boys did always believe that he was haanest, he decent and he was not a crook. Dem boys did also know that he didn’t dabble in skullduggery. Of recent he actions and de things coming out he mouth mek dem boys change dem mind about he.
He love de seat more than the devil who been before he and like he want to gather de same kind of wealth like de other one and Babbie.
Talk half and pray fuh Donald Duck see de light that de nation want him to see.
Oct 23, 2018Two helmet-tricks, three hat-tricks and an equal amount of doubles were recorded on an eventful opening day of the Third edition of the East Bank Football Association / Ralph Green Under-11 League...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]