De Good Book promise that if people change from dem wicked ways de Creatah would change he mind about wha he had in store fuh dem. But some of dem suh wicked that even if dem change de Creatah can’t forgive dem.
People know that de Creatah does forgive everybody and fuh everything dem do pun de earth. But when he meet up wid this set wha deh in Guyana he seh he can’t forgive dem.
Tek Jagdeo. He get involve in wickedness because de man refuse to break de financial laws in Guyana to give him US$10 million to invest in de Berbice Bridge. He mek de people trump up charge gainst de man just like how he get Cee fuh Satar to trump up charge against de Waterfalls boss man.
De wickedness wha he cause wid de NBS people now got everybody who tek orders from he and get set up now running fuh cover. Nuff of dem praying to de Creatah and begging fuh forgiveness.
De Creatah tell dem boys he nah mek up he mind wid dem. He got dem in a different category.
Then you got Babbie who if you put ten of de richest men in de region, dem combined wealth can’t match this one man wealth. Dem boys know he and Jagdeo is Hindu. Dem is not Chat-3 because Anil seh suh. He know.
Dem believe in reincarnation which mean that dem gun come back on earth after dem dead. De huge wealth dem stockpiling, dem tell people, is fuh de next life when dem come back.
Dem boys remember bout de Chinee man who use to live near Jagdeo in Pradoville one. He drop dead and lef he wife with plenty millions in the bank. De woman tun and marry Balgobin, his driver. This driver seh, “All de time I think I was wukking fuh meh boss. Now I realize that meh boss was really wukking fuh me !!!”
Now he in de cemetery. Dem boys seh that Jagdeo and Bobby will get a rude awakening when dem join de Chinee man because de Creatah whisper to dem boys that one coming back as a rat and one coming as a donkey. Rat and donkey never spend money in supermarket or in Sleep Out.
De fat crook is not a Hindu and he involve in nuff wickedness. He is one de Creatah disown. De Shaat scamp is Hindu and he and de fat one got one thing in common—one way ticket to hell.
People vex because dem got less power than de Humbugs man. One of dem and de police boss, wha suppose to See All, line up at de Humbugs man house fuh tek dem name off de report.
De Humbugs man tell dem boys that he don’t have delete button pun he computer. And besides, he got to check pun other wickedness involving de same clique.
Talk half and watch everybody run fuh cover.
Jun 17, 2019By Sean Devers The National Squash Championships began back in the 1960s and yesterday at the GT Club, the finals of the 2019 KFC National Seniors Championships produced high-standard Squash with...
In the just concluded congress of the AFC, a motion was put to the floor to make Khemraj Ramjattan the AFC’s prime ministerial... more
By Sir Ronald Sanders Make no mistake about it, the election of St Vincent and the Grenadines – one of the world’s... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]