Old people always seh that if you can’t swim don’t go near river. Dem same old people also seh that you got to be careful when you digging hole fuh people. Nuff people hear de second one but dem never listen and dat is why some of dem fall in de same hole that dem dig.
Dem boys seh that de hole suh deep that even Hymac can’t tek dem out.
De Waterfalls paper been minding its own business and de people business fuh de last 20 years. It was and still is de main watch dog fuh de ordinary people of de country and some people didn’t like dat because de paper was watching and exposing all dem thiefing ways and de dutty things dem was doing. It was watching dem too close, suh dem decide fuh dig a hole fuh de paper fall in.
Jagdeo never like it all de years of he presidency. He had nuff, nuff things fuh hide; things he didn’t want de nation fuh know about.
Suh he was digging de hole fuh swallow de whole Waterfalls paper wid de boss man and he staff. He didn’t even get to finish de hole. He did want something like de Bermuda Triangle fuh mek every aspect of de paper disappear without a trace but Bee Kay didn’t lend he de big excavator because Bee Kay and de Waterfalls boss man is family.
Up comes Anil who tek lead up from that same man, and behind he was Cee fuh Satar. De speed wha dem was coming wid to de Waterfalls paper mek dem fall in de hole wha Jagdeo dig.
Dem get couple people fuh help dem but that ain’t enough fuh tek dem out of de hole. Instead, de bulk of de people hearing dem hollering and dem people seh lef dem deh. Some seh not even de biggest excavator that Bee Kay got can get dem out.
Dat ain’t de only ting people asking de Waterfalls boss man to do. Every day, as Jagdeo use to seh, “Every single day”, some people trying fuh mek de whole country forget de hole wha Anil fall in. This is de same Anil who seh that he is a thoroughbred and a Chat-3. Donald tell dem boys dat he is nothing but a Katahaar Tree.
But he do something good. Everybody in de country chatting. Who is not Chat-3 is Chat-4 and even Chat-20. And all this happen because he, Anil, Chat up de Chamaar, Gildarie.
Talk half and watch out fuh more hole.
Nov 18, 2018By Sean Devers The Guyana Defence Force (GDF) has won the last 17 National Boxing Tournaments since the inaugural one was held in 1966 at the Police Training School, but on Friday Night the Soldiers...
When the government announced copyright legislation will come next year, the first critic was former president, Bharrat... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]