Donald singing chutnee now

Nov 09, 2014 Dem Boys Seh, Features / Columnists, News

Everybody knows that De Donald loves to sing oldies and soca but Anil put him in so much shame, that Donald don’t even want hear Anil name.
De poor man tek on this thing so much that he get sick. He been Friday night to karaoke. That night he didn’t even walk wid a friend. He go he alone wid de few security. He shock everybody wid his new tune and it wasn’t soca, calypso or oldies. It was a chutney wha only de Chat-3 use to sing.
When Donald done wid de chutnee everybody get knock knee.
Oo nan da lala! Oo nan da lala.
Wha yuh do to de PPP, wha yuh do to we.
Nobody ain’t tell me, I hear thru Gillda-ree,
Oo nan da lala! Oo nan da lala,
Oo nan da lala, Oo nan da lall
Yuh lie to mee when you seh you nah talk to Gildaree
And now you got de whole nation insulting me.
Just because you and Gilldarie been to QC.
Oo nan da lala, Oo nan da lall
You deh wid Jagdeo and Satar drinking dhal
And you go and mek me hand fall
Me was friend wid Glenn Lall, a true Lall
And you mek me forsake that man fuh you, a nun-Lall
Oo nan da lala, Oo nan da lall
Don’t depend pun me fuh tek you out this trouble
Go back to de two—Satar and de devil
And dem boys hear a story but dem don’t believe that dem got any lawyer in this country who would end up in something like this.
A boss man tell a certain lawyer that he got good news and bad news. De lawyer reply, “I had a baad day, man. Tell me de good news fuss.”
The boss man seh, “Your wife invested $100,000 in two pictures that are now worth a minimum of $20,000,000.”
The lawyer jump up and seh, “Well done, very good news indeed! You mek me bad day tun very happy. Now what is the bad news?”
The boss man answer, “The pictures are of you, in bed, with your secretary.”
De lawyer collapse.
Talk half and pray fuh him.

Discover more from Kaieteur News

Subscribe to get the latest posts sent to your email.

Latest News

Donald singing chutnee now

Discover more from Kaieteur News

Similar Articles