C fuh Choices, Chances, Changes and Anil

Nov 07, 2014 Dem Boys Seh, Features / Columnists, News 0

From de middle of October de opposition parties in parliament had a plan fuh get Donald to call elections. Every day dem start fuh complain how de government don’t want to call elections because Donald frighten de no confidence motion that could force he out of power.
Old people always seh that when a man quiet you got to lef he because he got something up he sleeve. Now Donald got de opposition confused because he call Parliament and he tell dem that dem can bring on de no confidence motion.
Dem boys seh that Donald did set a trap because as soon as de date fuh parliament announce, Moses call Granger and de two of dem agree that dem gun call fuh de no confidence motion as soon as de parliament meet.
Well that is wha Donald did waiting for. He call de Lunch Man and instruct him fuh tell de two of dem that dem can do wha dem want wid dem motion once dem ain’t use Epsom salts and spoil de atmosphere in parliament.
Dem boys seh that Epsom Salts is de fastest thing on earth. De minute you think you blow breeze, is water come.
Donald tell dem that dem can blow as much as dem want. He can shut down de parliament and mek dem carry de no confidence motion pun de road or to dem own house wheh dem gun be comfortable pun dem own toilet.
Dem boys Common Entrance teacher send dem a note about three Cs. Dem Cs is not Cee fuh Chamaar, Chat-3 or Cee fuh Satar. Dem Cs is Choices, Chances and Changes.
People must make a choice to take a chance or your life will never change. That is wha Anil de Chat-3 never know and that is why he would always remain wha he born to be—a Chamaar.
Talk half and hope Moses and Granger stay away from Salts.