When li’l gyal play wid boy and dem get touch dem does run and holla. That is exactly wha Sattaur doing now.
He send out nuff emails wha dem boys got and wha expose he mind, he body and he soul, plus he heart. He talk about a plan fuh de Waterfalls boss man. He seh that he want see de boss man in jail and he trump up charge through he organisation.
Even de woman who representing he and de Attorney General seh that dem charge nah got no basis. Dem charge was wicked, vindictive and malicious. Dem come from he black and dutty heart.
He didn’t stop there. Every day he call pun de police and de DPP fuh trump up more charge against de Boss man. He get Jagdeo newspaper fuh write article bout how de boss man get charge.
Dem boys seh that when you live in glass house don’t pelt brick. All de boss man do is write a letter to de people who got a say in whether Sattaur is a good, decent and honest accountant.
De boss man ask dem to find out if Sattaur got ethics, morals and any decency whatsoever.
De body that overlooks all accountants and members to mek sure that dem keep in line write to Sattaur.
Ramesh Persaud as the Chairman of the Investigations Committee of the ICAG order that Sattaur respond to the allegations. De shoes deh pun de other foot and now Sattaur know how it feel. Other people know how it feel when de shoe deh pun de other foot but dem boys gun talk bout it later.
Sattaur know wha he write in de email and he know wha he admit. He tail deh over fire and he can’t stand de heat. De balls are about to be burnt.
All of a sudden, because de people ask he fuh answer question, Sattaur seh that dem and de Waterfalls boss man team up against he. Sattaur can’t tek he own medicine. He did seh in one of de email from he that dem boys publish, he remind de Attorney General that we are all in this thing together.
Dem boys seh that de ACCA people and de Waterfalls boss man never wuk together; never sleep together. Dem ain’t deh in nutten together.
Talk half and let Sattaur holla fuh de other half
Nov 14, 2018Sixty-three-year- old former Malteenoes division one middle order batsman Victor Dias donated among other cricket gear, six bats, a quantity of red and white balls, coloured and white batting and...
I walk my dog twice daily. In the evenings I would take her next door to the AFC head office. The occupants of the house... more
The victorious T&T team poses for a photo after receiving their CMRC overall championship trophy, Monday night at Princess... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]