Cee fuh Satar come back from Spane Saturday morning and if he had he own way he woulda hide and sneak out de airport.
When he guh fuh check in at JFK, he see nuff people and he down he head. A man who he know and he know that de man know dem boys was in de line too.
Everybody was watching Cee fuh Satar. When he go up to de counter he whispering and dey ask he to speak up because he like fuh write up.
That is when everybody hear he ask de counter clerk if she can’t check he in as cargo. De clerk seh that “De only way you can go back to Guyana as cargo is in a coffin and de way you look, buddy, you ain’t got too long. Go and sit down and wait.”
He decide nah fuh wait, and tell she fuh check he in economy class although he had a first class ticket. He go to de back of de plane and he cover up from head to toe wid a bed sheet dat he de walk wid. Is shame he shame.
Dem boys hear when de plane touchdown he walk past de line and to immigration, and from de time immigration stamp he passport he down he head and walk right out de place till a minibus nearly knock he down.
Normally, dem boys seh that when he come in he does walk around, mix and meddle wid de staff, ask questions and check if things going good. This time he lef de entire airport in shock.
Dem boys hear that he and he boss, who give he de instruction fuh charge, in fuh a bigger shock. Dem got more shocking things fuh hit de newspaper. That is de thing that dem been asking among demself if de Waterfalls paper got it.
Just like how dem boys get that information through de grapevine, dem also get information through de grapevine wha Cee fuh Satar bring back from SPANE. That information is that dem got couple foreign people see wha going on and dem thinking about pulling couple visa.
Dem boys gun be de first to break de news.
Talk half and pray fuh dem devils.
Nov 18, 2018By Sean Devers The Guyana Defence Force (GDF) has won the last 17 National Boxing Tournaments since the inaugural one was held in 1966 at the Police Training School, but on Friday Night the Soldiers...
When the government announced copyright legislation will come next year, the first critic was former president, Bharrat... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]