Latest update March 29th, 2024 12:59 AM
Oct 12, 2014 Dem Boys Seh, Features / Columnists, News
Dem boys seh overseas in North Korea, de people ain’t see de President, Kim Jung-Un, fuh 39 days and counting. Dem find it strange. But, dem boys nah find that strange in Guyana.
Dem boys seh de leadah in Guyana hasn’t been seen longer than that. Dem boys ain’t hear much less see Donald fuh months.
Diplomats does call de Waterfalls paper fuh ask if Donald in de country, if he sick or if he get kidnap. De man don’t answer he phone and even he siren gone silent.
Is shame mek de man silent. Everybody doing all kind of thing under he nose and he don’t seh nutten. Imagine Sattaur write to de United States Embassy without notifying he bosses. Donald only know when Uncle Sam put Sattaur to he place.
De letter putting Sattaur to he place come from de man Hunt at de US Embassy. And that is not de only Hunt Sattaur got to deal wid. He got de lawyer Hunte who know more tax law than he and who got he jumping and wining by heself.
He hear that de dutty emails that he write come from one embassy and he decide fuh hunt. Sealey, he deputy tell he that dem got a Hunt at de US Embassy who is de Ambassador.
When he hear de man name Hunt he decide fuh write de man. He nah like de answer he get. Dem boys hear that Ambassador Hunt tell he fuh know he place and find another place fuh hunt.
That is how dem boys believe that Sattaur start a witch-hunt. De boss man fuh de Waterfalls paper tell everybody that Sattaur start a campaign that he Sattaur can’t end. Knock got knock back and kick got kickback.
Dem boys want all of dem to know that everything dem do somebody gun do back to dem. Dem think that because dem stop using email and using BBM and WhatsApp dem gun keep dem communication secret. Dem boys reading everything already.
Talk half and wait fuh read de BBM revelation.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]