Dem criminal who like fast getaway does depend pun de CG and over de years nuff of dem criminals use to keep close to de CG. Everybody knows when people go to de bank is fuh draw or put in money and out of de blue de CG does come and rob de people dem.
People does always wonder wheh de CG does come from. Some people believe that dem got people inside de bank looking out; some believe that de CG got inside information. Dem boys seh de police always on de hunt fuh dem bandits wid CG and couple a dem already get shoot. But de more police hunt, is de more de CG does come out.
That is why when dem boys hear that de CG targeting de Waterfalls paper dem expect de police fuh come out but somebody seh that de police ain’t gun even look pon dis CG. Dis CG, dem boys seh, got nuff big one who does ride pon he bike back.
Dem ride de CG hard de other day and de thing wobble till de wheel nearly come off. De CG had to get special treatment wid tablet and medicine and while all this happening de people who ride de CG hard sit back and keep quiet like if dem ain’t do nutten.
People hear when de CG call fuh help and protection all de rough riders lef he pon he own. Dat”s how de CG had to go to Spain or as de CG tell immigration—to SPANE. People don’t like things when dem ain’t wukking good. That is why dem boys seh that it look like if de people who riding de CG gun done wid it.
De other day de Cee fuh Satar think he was riding a CG because he drive he car like a madman. He swerve in front of a man and nearly cause a crash. Dem boys seh that de man get vex and drive up alongside to cuss but when he see Cee fuh Satar he suck he teeth and drive away.
Cee fuh Satar tek down de man car number and call Cee fuh Chapwoman and get she fuh send some officers fuh arrest de man. When de officers tun up at de man house, de man son had to call a big one and de matter done right deh. Dat’s why dem boys seh you should not put power in any and everybody hand.
Talk half and keep and keep yuh eyes pun all dem CG.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]