Old people always seh, don’t left match round li’l pickney. And parents does warn li’l children to stay far from fire.
Everybody know how li’l children does behave when dem get bun fuh de fuss time. Dem boys never know that a big man like Cee fuh Satar can behave like li’l pickney when he get bun.
He tackle dem boys and he send e-mail all round de place. De Waterfalls boss man deh in he contact list and he thinking so much bout de Waterfalls boss man that he end up CC de e-mail to de man. And then he cuss and asking people how de boss man get de e-mail.
When de thing expose he holler like li’l pickney. He jump pun he desk and if Cee fuh Ceelee didn’t see he, was through he did going by he head.1
Dem boys hear that after Cee fuh Ceelee calm down Cee fuh Satar, de man promise that he done wid e-mail.
De next day Cee fuh Karen go in de office and see Cee fuh Satar wid a big, brown envelope over he mouth, talking. Then she see he licking de envelope fuh seal it. She ask he, “Boss man wha you doing deh?”
Right away he shout at she and ask she if she is a fool, if she don’t see that he sending a voice mail to Anil. He got to send voice mail now, that he can’t trust de e-mail.
De next day Cee fuh Ceelee walk in and see Cee fuh Satar stand up pun he desk, one side pants foot roll up to he knee and expose he one side red socks.
Cee fuh Ceelee seh ‘Like you tripping boss man.” He seh that de Waterfalls paper mek he can’t sleep. He didn’t realize that de nastiness that he got in he heart woulda come in de public domain, that dem boys woulda ketch he wid he pants down.
But is de Creatah who watching over dem boys head and showing dem de way to find and expose all de Cee fuh Satar wicked plans.
Dem boys seh that when dem done wid he, Cee fuh Satar gun trip more than GPL.
Talk half and wait fuh nuff, nuff more e-mail.
Jun 06, 2020By Sean Devers Regarded by many in the local Rugby fraternity, including National Captain Jamal Angus, as the best teenage Rugby talent in Guyana, fly-half Tyrese Prescod seems well poised to...
Jun 06, 2020
Jun 06, 2020
Jun 05, 2020
Jun 04, 2020
Jun 04, 2020
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]