Cow Shit talking all de time but how he got to investigate wheh de people who buy de Lexus get de money. De story start up when he, Cow Shit, give de Chronicle, information that he tell de Waterfalls paper that he department does not give out. Dem boys know why.
Cow Shit sit down and plan ever since de Waterfalls paper carry de story how he refuse fuh employ other people because he tell dem he ain’t got vacancy.
But he find space fuh he three pickney and he pay dem good. Of course when de story come out, Cow Shit get vex.
De Hana Rebel was another one who get vex and he tek lead up. He is de one who dem boys seh does pee in he wardrobe when he drunk and he does still go home drunk and do that.
As a matter of fact, dem boys hear how he pull de window blind and de maid seh when she see that and pull de blind de window was lock. She thought de window was left open but when de smell she is then she realize that is somebody stand up there and pee.
Dem boys waiting fuh he sue fuh that because dem gun do DNA pun de window, de blind and de concrete paint.
Well de Hana Rebel and Cow Shit target de Waterfalls boss man ever since. Because de Waterfalls boss man drive de Lexus dem seh is he own. Now Cow Shit seh that he got to find out wheh de people get de money fuh buy two vehicles.
He ain’t checking wheh Jagdeo get he money fuh build de mansion wha he got; he ain’t asking Irfaat wheh he get money; he ain’t asking Lionel Wordsworth wife wheh she get money fuh buy John Willems house fuh $60 million when she was only wukking fuh $40,000 a month. He must tell people wheh he get money fuh own all wha he got.
De Waterfalls boss man done tell he that he gun expose Cow Shit corrupt deals. But Cow Shit seh that de Waterfalls boss man threaten he.
Indeed if a man seh that he gun expose you, is a threat but you can only report to de police if you believe that he gun tek off you clothes.
Dem boys seh that he is de real Cow Shit, hard on top and soft at de bottom but dem ain’t interested in he bottom; dem leffing that fuh de Hana Rebel and some of de others.
Talk half and watch how Cow Shit tying up heself.
Oct 15, 2018Eagles Basketball Club and Pacesetters played both matches contested on Saturday at the Burnham hard court in the Second and First Division of the Rainforest Water/Malta Supreme/Georgetown Amateur...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]