When people mix dem wuk wid politics, dem does always end up in trouble. Cow Shit sit down at he desk and plan how fuh get back at dem boys because dem talk how he behave like de Queen of England and tek in three of he own children fuh wuk wid he at GRA.
He get more vex when dem boys expose how much money he paying dem and while all this happen de Jagdeo clique didn’t seh nutten because all of dem blind to corruption and irregular behavior.
Suh in he passion, Cow Shit decide to pick pun de Waterfalls paper because he claim how de paper expose he children to danger and how he got to find gun fuh give dem. He getting help from an Hanarable man who does get duty free too.
Dem boys know that Cow Shit sick because he does run off nuff time, but dem didn’t know that he was so sick.
But dem boys shoulda know that a mad man capable of doing anything and he ain’t got to get a reason.
He tek lead up from a man who does sleep out more than he does sleep elsewhere, and seize two vehicles that a good man and he wife bring in and allow de Waterfalls boss man to drive sometimes. Dem boys want to know if in he sick head he plan fuh tek people property and give he children who wukking at he office.
He couldn’t tek dem vehicle that he waive duty fuh Bai Shaan. He never explain how dem fancy vehicle wha Bai Shaan bring in gun wuk in de forest. But dem boys seh that de Creatah don’t wear pajamas. Cow Shit gun find that out. He gun toss and turn nuff night and can’t sleep because wickedness is a thing that does haunt people.
He got to worry wha he gun tell de Creatah when dem meet face to face. He might get dumb just like how he does get dumb when people ask he about dem thiefing big ones and dem taxes.
He also will get sleepless night when dem boys dig up some things like who gat three or four houses or building dem at de same time or who does give out duty free for excavators.
Is plenty things does happen and dem boys got their wuk to do. Already plenty people talking.
And dem boys notice that de Indian company, PATIL, disappear from its website.
Dem boys search and couldn’t find nutten till one of dem suggest that de man who look like de devil advise Patil fuh hide because dem boys looking. Patil is de Indian man who look like de Devil in more than one ways…if yuh know what dem boys mean.
Talk half and watch Cow Shit run off again.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]