Latest update April 25th, 2024 12:07 AM
Aug 13, 2014 Dem Boys Seh, Features / Columnists, News
Walter Rodney seh that anything that Burnham did put he hand pun tun kaka. Rodney was a politician. Now de Waterfalls boss man seh that anything that de man who resemble de devil did put he hand pun tun cobweb.
De Enmore Packaging Plant mining cobweb; de Skeldon sugar factory start fuh collect cobweb, de Supenaam Stelling buss like cobweb. But dem boys can’t tek dem eyes off de Skeldon factory because that is de largest investment; that tek over US$200 million, dem seh (??)
Dem also seh that it gun mek sugar at half de world market price. Instead it double de price. De old factory use to produce cheaper and better. Now dem got to tun back to it. Dem boys want to know if de man who resemble de devil can tun back de US$200 million de same way how dem tun back to de old factory.
De Waterfalls boss man telling de nation all de time that every word (not sentence), de man who look like de devil talk was lie and whatever he do was fuh benefit he and he friends, not fuh de people of Guyana.
De AG did call and seh why dem boys don’t lef de man alone because he do so much good fuh Guyana. Right away dem boys ask he fuh name just one.
But he mek excuse and seh he deh drinking. After a couple of days dem boys call he back to hear wha he got fuh seh. He laugh and he seh that he still drinking. To date, not he nor one Guyanese can tell dem boys one good thing that de devil do fuh Guyana.
De same AG wha think that de devil do so much good, should explain de deal between de Chinee company and de Rat. He must also tell dem boys who really benefitting. If is de people of Guyana, Bai Shaan or de Rat who bring in de company. Now all of dem quiet. Donald lose he mouth wid de same speed wha he lose he weight.
Rob de Earth look like if he also lose he manhood de same way he an all lose he size. He is a man who don’t like anybody seh anything negative bout he and he Ministry.
Is nuff negative thing dem boys talking bout he Ministry and Rob de Earth ain’t seh one word. Dem boys want know if he suddenly get blind, dumb and deaf.
He did get dumb when dem boys challenge he fuh do de forensic audit pun de Enmore plant.
Rohee is de other one. When dem boys ask he fuh explain wha Bai Shaan doing, he claim how de Waterfalls paper skinning up Bai Shaan because de newspaper probably ask dem fuh something and de Chinee company refuse. Dem boys want to know who or which goat gun believe something like that.
Well dem boys want tell he that most of de Guyanese people, including dem boys, is not like he and he colleagues who from de time somebody open dem mouth, dem does stretch out dem hand and open it. Is a day when somebody wrap kaka in paper and hand dem.
If dem boys ain’t lie, some of dem already get wuss than kaka as gifts.
Dem boys also want tell he that dem don’t have to ask anybody fuh favour. Dem does demand and stand up fuh what is rightfully theirs. And they will go to their graves wid that same belief and attitude.
Dem don’t ask, depend or beg fuh money fuh give visa and work permit, gun and passport. Dem only interested in mekking sure that de people of Guyana get wha dem suppose to get.
He got to ask he colleagues fuh seh wha dem collect from Bai Shaan. Dem boys motto is to make sure that de Guyanese people get their fair share and nobody can ask fuh anything more or less than that.
Talk half and wait fuh Rohee come wid he goatish attitude and behaviour again.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]