Latest update April 19th, 2024 12:59 AM
Jul 08, 2014 Dem Boys Seh, Features / Columnists, News
CANU mek two big drug busts Monday. Dem go to one house and dem find enough ganja to mek de whole Cabinet high. Was couple thousand pound of good Jamaican weed. Then dem same CANU people go to a next house and find a good portion of cocaine.
Dem boys seh that is de DEA who mek CANU find dem two house. If was de police acting pun dem own, dem woulda go to de wrang village. Without DEA dem CANU woulda go to de wrang house. Some people happy, but dem got some who not happy because de DEA deh pun dem tail.
Now that Donald announce that he welcome de DEA, dem boys want he to announce a team that gun go after corruption. Of course, that gun bruck up de crew. Nuff of dem gun get pull in and is only de law mek dem boys don’t want call some of dem name. But fuh certain de Rat, Ash Knee, Brazzy, Irfaat, Rob de Earth and de Bees gun get removed to a special place in Camp Street.
Dem boys got some other wish fuh dem. De wish deh in dem heart, but if you watch dem face you gun know.
Some contractors gun get pull in too. Dem does tek de taxpayers’ money and give dem kok wuk. Even Luncheon admit that dem contractors does shaft de government. De people who wuk and lef a big hole pun de La Penitence road is people who does mek a road within two hours. Now dem boys want to know if is a case wheh Guyana ain’t got money to fix that hole.
Dem boys seh that de fact that de hole deh right in de middle of de road and does cause a set of accidents every day and another set at night ,show how everybody disrespecting de people. That big hole deh three house from de police station and de police ain’t doing nutten.
De Works Ministry is de people who does fix de road but dem and all ignoring de crater. De Water people does dig up de road and lef it, suh de big hole in de road is normal fuh dem. Dem boys don’t like wish bad fuh people but all of dem who got a right to fix de road should crash inside. Is only then dem gun understand de danger and learn not to disrespect the people of this country.
Talk half and watch how de DEA gun reel in some big ones.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]