Latest update April 23rd, 2024 12:59 AM
Jun 20, 2014 Dem Boys Seh, Features / Columnists, News
Eye pass is something that don’t done. And the government encouraging eye pass. If a man from Guyana go to China and he want to buy a piece of land or some property, dem boys gun bet fuh sure that he ain’t gun get de property. In fact, de Chinee Government might expel he from de country fuh trying to rob de Chinee people of dem rights.
But de same Chinee people can come to Guyana and buy wha dem want and nobody can’t seh nutten. Now dey got more Chinee business in Georgetown than dem got local business. Is only time before dem Chinee people buy out Ohh Pee and all dem government building.
Things reach de stage wheh Donald, Ash Knee and Brazzy, even pick a fare wid dem Chinee. Guyana behave like a prostitute. De Chinee call dem shots fuh wuk pun de road and de government throw back and give dem land that most people woulda give dem heart and soul to buy.
Dem boys seh that de eye pass didn’t stop deh. Ash Knee soo soo wid Donald and then continue to insult de rest of de country. When was de budget, dem put in some things that de Opposition decide to cut out because dem feel that de money is to use fuh runnings. Ash Knee tell dem up front that dem ain’t got no power and if dem think that because dem got de majority dem got power dem lie.
He promptly spend money like if is he daady lef it in de will fuh he. Then he got de nerve to go to Parliament and tell de Opposition that he done spend de money and that dem got to pass it. If dem seh no, de money done spend and if dem seh yes, Ash Knee gun spend more.
But dem boys shoulda know from de time de Lunch Man talk bout restoration. He claim that Ash Knee and Donald waiting pun de vote before dem spend. He lie. But then again, is everybody telling lie. Brazzy tell lie bout two Chinee man come and buy out de major share in Marriott when is some big ones in Guyana; and Rohee lie bout dem security camera.
Talk half and done de eye pass.
LISTEN HOW JAGDEO WILL MAKE ALL GUYANESE RICH!!!
Apr 23, 2024
Kaieteur Sports – Over the weekend, the prestigious Lusignan Golf Club played host to the highly anticipated AMCHAM Golf Tournament, drawing golf enthusiasts and professionals alike from across...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]