When de Waterfalls boss man tell Ash Knee and even Donald that he want to invest in de Marriott, Ash Knee, de shaat crook, tell him that dem want people who got experience in de Hotel industry.
Donald never respond. He behave like if he blind, that he never see de message.
De truth was that de boss man wanted to get inside de hotel project fuh see de scampishness. He seh that he woulda borrow money from some friends but up front Ash Knee and Brazzy keep he out by telling he that he ain’t got experience in hotel. Dem know that dem nah want nobody outside de circle. Dem self is de investor.
Jagdeo did tell de Waterfalls boss man that dem did want Pegasus when it was up fuh sale. But Badal, de present owner, beat dem to de punch. Jagdeo get vex. He start fuh seh how de hotel stink, how de water in de pipe rusty. He tek way all government functions from de hotel. He even try fuh stop dignitaries from going there. Is deh de Marriott hatch from. Was pure greed.
Brazzy de fat crook, and Marcie, now get two foreigner fuh seh dem is de special investor. But dem boys find out that de special investor nah got none experience in hotel business. How dem get in? Dat is de question dem boys asking Brazzy and Ash Knee.
Dem foreign investor got experience in mining. De Marriott is a gold mine fuh dem. Dem sure fuh get dividend pun dem US$8 million if dem put money fuh truth.
Brazzy, Ash Knee and Marcie put in clause which seh that de taxpayer who put US$20 million will get repay IF de hotel mek money.
But de private investor who put in US$8 million will get de highest rate of return. De bank who putting in money getting pay also.
And all Guyana sit down quiet and buy into this dishonesty. Dem boys seh is only time wid dem.
Dem boys hope and will pray that de two Chinee rob dem on de hotel. And dem boys also wish that dem must not prosper pun none venture dem embark upon.
Talk half and pray fuh dem Mooma, Daady and dem soul.
Oct 13, 2019Barbados Tridents won their second Hero Caribbean Premier League (CPL) title as Guyana Amazon Warriors’ perfect season unraveled at the worst possible moment. The Warriors had won all 11 matches...
Cyril Belgrave, one of the finest politicians the PPP produced, died this week. His death coincided with information I stumbled... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]