Latest update April 3rd, 2026 12:35 AM
Dem boys seh…Jagdeo, Brazzy got tons of secret
May 22, 2014 Dem Boys Seh, Features / Columnists, News
Jagdeo and de fat crook, Brazzy, create more clause that Santa. Every project that he and Jagdeo come up wid done in secret. When Brazzy buy de shares fuh he buddy that was a secret until one of he friends whisper to dem boys.
In secret he give Fip de contract to build de hydro road—de same Fip who never build a walkway to go to a latrine or a piss house. When dem drop Fip and pick up wid Shit Global more secret come in. De secrecy create so much confusion that de Global people seh that dem willing fuh talk but that dem got to get permission from Jagdeo.
Everybody know wha happen. De Amaila Falls dry out and nobody seh anything on to now.
De airport is a bigger secret. It stay a secret until Donald order de release of de contract. That is when people know that dem pay de Chinee people $600,000 fuh one $8,000 toilet bowl from Gafoor. De whole de thing scampish.
Dem two is not de only two thing wha people want to know de truth about. Dem want to know de truth about Marriott wha happen to be de most expensive hotel in de world without de land that it sits on.
Imagine if people had to put in de price fuh de land. Then de hotel would be de most expensive hotel in de Universe.
Dem boys sure dem can build two hotel de same size in space and still lef wid change. Talk bout Brazzy and Jagdeo? Dem is de best thing de world produce building anything.
Uncle Brent got sense that is why he keep de two of dem out of de construction of de new World Trade Centre.
De Berbice Bridge wha de taxpayer invest de hog of de money enriching Jagdeo best friend and others. And dem taxpayers are told to shut de whatever up. You know wha dem boys mean.
Dem boys not against hydro; dem boys not against expansion of de airport; dem boys not against bridge not even one from you house to dem boys house. Dem got problem wid any coming from Jagdeo and that fat crook bar to Jagdeo Queenstown Foundation. And dem got problem wid de hotel tekking taxpayers money fuh enrich that private scamp who dem frighten fuh name.
Talk half and don’t kiss neither Jagdeo nor Brazzy. You gun get sore and kuku-beh pun you mouth.
Discover more from Kaieteur News
Subscribe to get the latest posts sent to your email.