Latest update March 28th, 2024 12:59 AM
Feb 10, 2014 Dem Boys Seh, Features / Columnists, News
Chris Ram mek a good statement de other day. Wid all de talk about money laundering and everybody focusing pun dem drug dealers and big businessman, Ram seh that dem political party must also leh people peep and see how and who giving dem money.
De— Hay F See got dem own people who got nuff thing that dem want to hide. Then dem got de Hay Pee an U and only Pee Pee Pee which mean Public Private Partnership that is, tekking Public Property and giving to dem Private friends.
De ting is that de Pee Pee Pee got nuff Private friends and all dem friends got nuff Public Property wha dem thief. Tek Fish Hook. He get permission fuh de thing wha GT&T beggin government fuh. Dem got one Brian de Young who got nuff ting although he nevah wuk anyway; Ah Kneel got to hide he Sleep Out, and dem boys seh don’t talk bout Jagdeo and Bobby. Dem tek so much that it gun tek all de auditors in de Caribbean fuh find dem stash.
But de anti-money laundering thing guh ketch some of de money because it got to come out. Dem gun can’t hide it, and dem gun have to explain to Uncle Sam wheh dem get it from cuz like Uncle Donald suddenly get dumb, deaf and blind.
Dem boys seh that is de same Uncle Donald use to cuss de Burnham constitution. It was de wus thing fuh de PPP on de face of de earth till Daddy Cheddi get power. Then when he start to enjoy it he get sick and crap out. De man who enjoy it de most was Jagdeo and no way dem boys coulda get he to change it, except de part bout how long he coulda stay as President.
When Jagdeo put in he own Presidential retirement package, Donald is one of dem who cuss up and say how dis package was ridiculous and unconscionable, he even say when he tun president dat is de fuss thing he gun rectify and reduce.
Today dem boys seh de man look like he love de package more dan Jagdeo because dat was one of de first law Parliament pass fuh chop it and he refuse fuh sign it den and an to now.
Wha da tell yuh..sweetness nah u mattie.
All of dem got to hope and pray that dem stay just deh because de same power wha dem got gun mek dem have to answer nuff question. Ah Kneel got to explain how come he own Sleep Out and he name ain’t deh in de registry as de owner.
Bobby got to answer fuh more things than wha god bless Guyana wid. Dem boys seh when dat time come he gun claim how is God is he best friend and not Jagdeo is de wuss. Remember Judas!
Dem boys seh if Donald aint trust nobody in Guyana den he can turn to Trinidad fuh help. De fittest person is de lady wuh in charge.
Only yesterday she say she gun jail all dem people who having sex wid dem lil underage children (gyal) including dem teachers.
She went further to say how she gun jail de parents, dactas, nurses, teachers and employers if they have reason to believe that a minor is sexually active and aint report it to de police.
Every year nearly 3,000 of dem gyal under 16 getting baby fuh big man.
If dem had to do a check in Guyana dem might find de same thing although Guyana got less people. Poor Donald know that he got some of dem same big man in he Cabinet, we aint calling no name like Bherri Bherri, but we sure Donald wondering how he gun be able to jail dem.
Talk half and keep you eye pun de private friends with de public property.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]