It got to be that Chang think people stupid or dem mad. He hand down a ruling that got everybody giddy or bassody. HHHe seh how de opposition cannot cut or touch de budget.
Dem boys seh that he forget who de opposition dealing wid. More than that, de government side can pad up de budget and then siphon off de extra money. That happen fuh years under Jagdeo, and is only now people see wha use to happen.
Chang is dem boys friend, but dem realize that when he wrang dem got to tell he that he wrang. Dem got to tell de nation too; is part of dem duty. If wasn’t fuh de opposition de whole country woulda pay extra fuh Amaila. That was one project wheh de price keep jumping, and it jump till de opposition decide to chop down de project.
De Skeldon plant jump over everybody head, including Jagdeo. De Enmore packaging plant jump into Rob Earth pocket. Plus de kickback pun some of dem contracts when he was de other Minister. All that money did hide up in de budget.
Dem boys want to tell Chang de function of parliament is to fix things right; to sehe yes and to sehe no whenever needed. If de government ain’t got de majority then dem don’t have de power; de opposition got de power and dem is de people who got de control of parliament and include anything that got to pass through deh. Isn’t that so Mr Chang?
Wha Chang think at all? Dem boys know that he acting, but decision like this ain’t gun mek he get de appointment. In fact, he gun be acting more bad because de opposition nah gun support his appointment wid such a decision against dem.
He must know that if de opposition can only vote for or against de budget then is another problem. Dem have a role to play. Dem is not no rubber stamp and dem ain’t gun sit down in parliament fuh watch faces like Benn and Straighty and Lumumba, de shaat crook, de lying crook Webby, and Rob de Earth.
Jagdeo is de one that create a lot of cockishness in this country. Dem boys sehe suh and dem got proof beyond the shadow of doubt. He create that crookish condition that tekking place today in parliament and several other things.
He create a multi-billion-dollar partnership wid Bobby; soon de two of dem gun own half of Guyana. Rob Earth is close behind to own de other half. He learn de strategy wha Jagdeo use to keep and control de wealth dem grab.
Dem boys learn yesterday that Rob de Earth doing exactly wha Jagdeo do wid Bobby. He doing it wid a man name Terry.
De people rhyming. Jagdeo got de Bee and Rob de Earth got de Tee.
Talk half and combine dem two letters and learn more bout Jagdeo and Rob Earth.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]