Latest update March 28th, 2024 12:59 AM
Jan 04, 2014 Dem Boys Seh, Features / Columnists, News
De year come and gone. Dem business people tekking stock. Some of dem still thinking how much dem use to mek when Christmas come and now de profit reduce. Dem now thinking if dem should pay de VAT money over to Khurshid.
De government also counting wha it do. It had to look at wha it do fuh sugar. When de year start de government talk but how much sugar it gun get out of Skeldon. De Shaat crook call a figure when he present de budget. Is now dem boys know that he try a thing. He had plans fuh de money that parliament woulda vote.
But Donald had more plans., He did mean to show Bharrat that he could get more out of Skeldon than Bharrat heself coulda get. Bharrat did seh that he gun mek Skeldon wuk even if he got to lift de sugar factory wid he bare hands. Dem boys seh that he think he coulda pick up de Skeldon factory and run away.
That is how Donald get fuh seh wha he seh. After de elections and he tun de big Sahib he seh how he gun get a board fuh tun round de sugar industry. Well dem boys seh that it had to be scrubbing board and it was away. It nearly carry Donald wid it because he use to sit pun de same Board. But he fall off when it bruck up.
De new board that Donald talk bout was probably a piece of wood that he was hoping to get from Jettoo Lumber Yard. De problem was that dem didn’t pay Jettoo suh dem couldn’t get that board. Dem boys seh that Donald tell Jettoo that de money wash away wid de board.
Donald don’t have luck wid dem sugar board. Ali Baba did mek a serious move pun de same board but he back off when he realize that is only one. He like things in five.
Dem boys seh that he does tek things in five and that is how he give out dem radio frequency in fives, how he tek five property pun Main Street, how he tek five house lots at Pradoville, and how he tek five million fuh pay off he wife.
Talk half and help Donald get a new board.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]