Latest update March 28th, 2024 12:59 AM
Dec 20, 2013 Dem Boys Seh, Features / Columnists, News
Whole month dem public servant protesting how dem don’t want no five per cent pay hike. Dem walk de streets, dem picket Ohh Pee, dem picket de hospital and some of dem play sick.
Some of dem was to get pay yesterday but since dem didn’t want de five per cent, de fat crook and de Rat seh that dem gun tek it. Dem send two man to de Hammer Man Office fuh collect it.
But dem two man carry way de five per cent plus de pay in typical style of de Rat. He and he kavakamites never believe in 10 per cent kickback. Dem use to tek ninety per cent of all de transactions. That is why Skeldon and Enmore can’t wuk to this day.
Dem got some people who doesn’t tek things like that suh easy. One man get knock off because he ask fuh a pay increase. This man was wukking wid Gerry, that fat crook family.
De man keep calling dem fuh he severance pay and dem tell he come today, come back next day. He go back and dem tell he come back tomarrow. Dem got he like yo-yo.
De man get vex and he couldn’t tek it anymore. He pick up and gun, tuck it in he waist and tun up at de front gate without calling dem.
De boys seh that de security guard at de gate buzz de office and tell de inside that de man come fuh collect he money.
De security guard tell de man “Eh heh; dem got you covered. Dem seh that you must go and collect you money.”
When de man hear that he tek out de gun out he waist and sneak it to he partner. But de guard see and call Gerry. Gerry panic when he hear gun and he call Seelall.
De man collect he pay but he got he friend sleeping in police custody in de lock ups, ready fuh appear before a magistrate.
Dem boys seh that de man now got to tek that same small piece wha collect from Gerry fuh either pay a lyaah or pay de fine.
Talk half and watch wha gun happen wid dem odda half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]