Guyanese a tek everything these days and does shut up. And when dem boys seh tek, dem don’t mean tek like de fat crook and de shaat crook; like Rob de Earth and Irfaat. Dem does tek insult and nuff cuss.
Dem boys seh that Jagdeo give China half of Guyana. Rob de Earth give Brazil a quarter and India, de other quarter. Ramotar did sleeping when all this happen suh he didn’t see when Guyanese lef wid de dutty pavement.
But was it a giveaway? Dem boys now confirm that wha Rob de Earth do wid a Brazilian company by just giving dem four per cent of Guyana was a deal. It had big draw back and kickback.
Nuff of dem foreign-named and sometimes fancy name company is really just a front.
De Brazilian company is a front fuh a scampish Guyanese. He been wid another company and dem kick he out after he tek.
That is wha open up dem boys eyes, brains and dem behind to de fact that Crooks Incorporated headed by Jagdeo and Rob de Earth and dem Bobby, including de fat crook and de shaat crook is really a foreign entity.
Is when de people sit down pun de pave that dem really realize how much these sons of bitches love Guyana and its people.
Dem boys only hope that Donald open he eyes. One man seh that he should start looking fuh balls and if he got problem Santa wid he helicopter can drop off some proppa ones at State House.
De people at de Berbice Bridge think dem got balls fuh tell this nation that dem lower de Bridge toll when in fact that was to help de rich get more rich. De vehicles that would help de poor man, like minibuses and hire car, ain’t get no reduction. De poor man got to keep paying de same fare.
Gerry de Duke only pull out from de private sector statement when he hear people was planning to boycott he businesses.
Dem had boycott in Parliament too. People ask nuff question ever since APNU lady didn’t vote and de government get its own way in de parliament.
Dem boys seh that it was high drama. De lady who ain’t vote seh how she fall in a trance. She sit down right next to she doctor and she ain’t tell he nutten. When was vote time she didn’t open she mouth, De new $5,000 bill hypnotise she. And was nuff pass by she.
She couldn’t open she mouth but…
Jan 27, 2020By Franklin Wilson Fruta Conquerors ladies added yet another title to their club’s collection when they outlasted Lady Panthers in the final of the GFF-Always Championship 2019 which took place on...
Here is an extract of Mark Benschop’s email to me which I indicated to him I will do a column on; “In conclusion, I... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]