De government don’t understand de police of do suh nah like suh. Clement get vex because somebody who was a moderator pun de TV cut off everybody who try fuh cuss de opposition.
De topic was de flood and Rohee and de whole PPP decide that dem ain’t tekking no blame. Roger de Lunch Man was de first to blame de opposition. Then de whole PPP join in de chorus.
De opposition tell Hammy that he got to be de lead vocalist and of course Hammy didn’t like nutten better. He start fuh sing how de government choking de council. Well that is how de TV programme start. When people call and sing wid Hammy, de TV operator like that. Is when de same people who calling fuh cuss Hammy open dem mouth and get cut off from de TV that Clement get vex.
Is de same thing mek Bharrat decide that he gun give all dem TV licence to he friends and family. Now most of de people who got radio and TV is de government people. When dem want to talk bout something gainst de opposition, dem got all; de radio and TV. De, also got Kwame who does cut off anybody who coming different.
Well this day when Rohee was listening to de TV he didn’t know that was not one of dem that Bharrat give way. Shadick and all get a shock when she realize that all de TV station was not wha Bharrat give way. She was planning fuh shut down all dem other station. Bharrat vex. He now telling Shadick that she got to find a reason fuh shut dem down.
He telling she that de Waterfalls Paper and de Big Market paper talking but everything wha Rohee and he team do. He can’t let no more people talk too much.
Talk half and watch wha gun happen next.
Feb 26, 2020Narayan Ramdhani (The Kings University) and Priyanna Ramdhani (Olds College) were both selected to represent the Province of Alberta at CCAA (Canadian Collegiate Athletic Association) national...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]