Dem boys seh…Dem thinking bout de Waterfalls boss man

Nov 18, 2013 Dem Boys Seh, Features / Columnists, News 0

He who matters most to you says the most about you. That is why when dem boys hear people talking name nine out of ten dem can guess is who name people talking. De Waterfalls boss man talking a lot bout Jagdeo and de Bees. Now wha that tell you?
But de hard Times paper talking a lot about de Waterfalls boss man. It mean that he matters most to dem. Suh when dem go to bed dem going wid he pun dem mind.  When dem wake up dem got he fuh breakfast because dem boys seh that dem demand fuh see de Waterfalls paper first thing.
Then dem does spend de whole day as de person who matters most to dem. Then night does set in and de cycle begin all over again.
Dem boys seh that is things like that does mek people get sick. When people got somebody pun dem mind all de time dem does get sick. Sometimes dem does get so sick that all dem can do is lie down in bed. Guyana can’t afford to keep people in bed all de time. De government already complaining how much money it got to spend pun sick people. That is how de government got to spend billions of dollars every year pun drugs and that is how de New GPC always got extra drugs in de bond wha de government used to rent.
Dem boys seh that Christmas coming and people got to start thinking about peace and good will. De Bees spend de whole year thinking bout piece. In fact, dem end up thinking bout piece and tekking almost all.
That is why dem boys claiming that jail gun pick dem.
Talk half and watch how de Bees getting sick.