Latest update March 29th, 2024 12:59 AM
Nov 17, 2013 Dem Boys Seh, Features / Columnists, News
Mankind never satisfied. De more dem get is de more dem want. Give dem de moon, de sun plus de daady and de mooma and de stars and dem gun still want more.
Dem got some people who after a time does seh that dem got enough and dem does thank de Creator but dem got de other set who never got enough. Dem is de people who got dem hand full, dem mouth full and other parts full yet dem want to grab more. That is when greed steps in. That is when dem does choke.Greedy people are bastards. They believe that dem alone should eat, wear and drink; that dem alone should have everything.
Dem didn’t want to see nobody to eat. Dem is de people who would throw away food by de tons while dem neighbour hungry fuh a plantain. This fit anybody you know? If you don’t know, look at page 15.
Dem is greedy people. Dem got more than wha dem great grandchildren, if de Creator bless dem wid any, can spend but dem still trying fuh grab. It reach a stage wheh people talking all over de country. We shouldn’t ask wha else dem got dem hand in, we should ask wha else dem nah got dem hand in.
Is only time before jail door gun pick dem and everybody praying fuh that, including dem boys. When that time come de whole world guh gun know all wha dem got, and wha dem do and all wha deh in dem mind fuh do. Jail does mek de dumb talk and de blind see. Ask Roger de Khan why and how he sing.
Dem gun talk and sing Bhajjan and carols wha dem never hear. Dem gun behave just like de deaf and dumb man in Berbice. De man and he friend thief till dem get ketch. When de man stand up in court and de magistrate ask he if he understand de charge, he behave like if he can’t hear she.
De friend seh that he understand de charge, that he innocent and that de one who dumb know everything. De magistrate seh, “Ok, you innocent suh he got to go to jail.”
When de man who playing dumb and deaf hear how de magistrate seh that he got to go to jail, he seh, “Nah, nah. Me nah know nutten, too. Me innocent.”
De magistrate seh “Ok Go sit down in jail; when I sure that you can hear and talk good you gun come back before me.”
Dem boys ain’t sure that dem bastards, including Rob de Earth, Irfaat and now Jenny, as well as de Bees gun get that option from Judge Dora or Judge Joan in Uncle Sam.
Dem days coming close to an end. A diplomat whisper in dem boys ears.
Talk half and watch wheh dem gun spend dem other half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]