De most expensive trophy in de world land in Guyana and de people who bring it had to wait till Bharrat come out of office before dem coulda tek that chance.
Bharrat woulda tek it and give he best friend Barbie to hide it in de Santa complex.
Dem boys seh that Bharrat is not a man who like gold but he love money. He would do anything fuh it. De World Cup trophy weigh 11 pound and mek out of solid gold. It worth more than US$10 million suh imagine wha it could do. That is why de people didn’t invite Bharrat, Brazzy and Barbie fuh see it.
But dem did invite Donald.
De first time when dem go to bring it Burnham was alive and things was bad in Guyana. Dem didn’t tek that chance because dem woulda lef Guyana without it. Burnham woulda nationalise it.
That is why de people mek sure that dem hire special security and extra security when de realize that dem was coming to Bharrat country. And dem only come because Donald is de president. Dem bring de trophy wid a special plane and dem seh that de carrying it back through a special lane.
Normally such a thing woulda be at de stadium but that stadium too close to de Santa complex and anything that enter de complex does disappear.
De had another reason why dem keep de trophy far from Bharrat. Anything he touch does tun kaka. That trophy woulda become eleven pound of solid kaka. Fuh sure Donald woulda refuse to touch it. Dem boys don’t know who woulda touch it.
By now de trophy gone but some people vex.
Talk half and mek that man don’t touch nutten more that belong to de people of this country.
Aug 24, 2019Guyana’s fortunes at the female football development level continued its encouraging results trend when the Under-17 Lady Jags hammered St. Vincent & the Grenadines 6-2 in the opening game of a...
U.S. President Donald Trump’s new rule on immigration and nationality, published on Monday, August 12, is not different... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]