Latest update April 23rd, 2024 12:59 AM
Sep 17, 2013 Dem Boys Seh, Features / Columnists, News
Was big news de other day when de police ketch up wid some bandits and shoot one of dem. Two things happen— de man dead wid he eye open and he had on clothes like if the was reading meter fuh GPL.
Now this is a man who believe that he got a gun suh he powerful. De next thing is that he lef East Coast and decide that he gun mek life a misery fuh dem people who live pun de West Coast. Well dem boys seh that he dress like if he going to read meter but he meet he meetah. And was no pre-paid meter.
De Bees using a lot of pre-paid meter and behaving like pre-paid meter. Dem like tek dem thing up front. Unless dem get is no business; nutten ain’t wukking.
All of dem gun meet dem meetah fuh de wrang things that dem do to ordinary people. Is not nice to wish bad thing pun people but these people do so much that dem boys really vex and only bad thing can come out of dem mouth.
Now everybody know that when a person tell you that you gun dead wid you eye open dem telling you that you gun dead bad. Is only when death come sudden that people does die wid dem eye open like this bandit who name Bacchus. He and all is a Bee and according to dem boys he setting de pace fuh dem other Bees to follow.
Watch how dem manipulate de Marriott. De crew spend dem money but dem tell de nation how dem get a loan from de Chinee. Now if de Chinee give money to build de hotel and you tun round and sell most of de hotel it mean that de loan safe.
Brazzy telegraphing that dem intend to thief de Marriott money, Dem boys don’t believe that dem giving back de loan to de Chinee and in any case, dem done sign up.
Talk half and watch fuh de Marriott accounting
LISTEN HOW JAGDEO WILL MAKE ALL GUYANESE RICH!!!
Apr 23, 2024
Kaieteur Sports – Over the weekend, the prestigious Lusignan Golf Club played host to the highly anticipated AMCHAM Golf Tournament, drawing golf enthusiasts and professionals alike from across...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]