Latest update April 24th, 2024 12:38 AM
Jul 24, 2013 Dem Boys Seh, Features / Columnists, News
Barbie really vex. In fact, anytime anybody trouble he best friend is like if dem trouble he. Old people does call he attitude fire rage. Well Barbie got to pick up nuff fire rage. Fuh now he start wid Linden.
Dem boys talk how he buy de cricket franchise fuh Guyana. It cost nuff money but that was nutten because he best friend arrange fuh he get money from de government to spend pun things that gun mek he and he best friend rich. That is how dem buy de franchise.
To this day nobody can’t tell de people which foreign exchange account he use and nobody don’t know how much he pay and he ain’t talking.
Anyhow dem Linden people did get vex wid he best friend and dem protest. Dem boys didn’t know how vex Barbie vex. Is only when ticket fuh de cricket that he controlling start fuh sell that people know how vex he was. Linden can’t get ticket fuh buy.
Is de same kind of spite mek de man wid de hammer carry Gee Nah and de Kranicle fuh see de road end and de Amaila Falls. De other media wha does ask hard question, dem lef at Mahdia till dem tun blue. Dem only see a part of de project.
Dem boys seh that Gee Nah and Kranicle got mouth but no tongue. Dem can see but dem can’t talk. However dem other media got eye, mouth, tongue and everything. Robeson, de man wid de hammer, know bout de scheme to keep out dem other media.
And dem is de same people who vex because de opposition vote against two Bills dealing wid de same hydro. If de government don’t come clean things like this gun always happen. Is wha dem got to hide? If is how de road ain’t going nowhere dem boys would understand. But if is a case of no wuk going on pun de final section then dem boys can’t understand because dem contract hand out a long time ago.
Talk half and watch how Barbie spiteful.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Kaieteur Sports – The Vurlon Mills Football Academy organised an excursion to the Carnegie School of Home Economics, aiming to introduce young participants of the SBM Offshore Guyana Women in...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]