Latest update April 19th, 2024 12:59 AM
Jul 17, 2013 Dem Boys Seh, Features / Columnists, News
Fuh de first time Bheri, de man who everybody know as Berry Berry, let people see he in he true role.
He is nutten but a security guard. He perform he job to a Tee when he lock out dem reporters who believe that dem job is to kiss de government tail. Dem is de reporters from Gee Nah, Hen See Hen, Hem Tee Vee, De Cranicle, and de Hard Times Paper.
And like sheep, dem reporters allow de man to bully dem.
Dem boys seh that is people like he giving de party a bad name. People like Berry Berry mek de party face eye pass. He attitude mek people develop disrespect. Some of de things he trying he can’t even try in he own house.
He does talk anyhow to reporters if dem come from de state media. People would believe is he children but he would never tek Gawd out of he thoughts and try that wid dem private reporters. Gordon woulda slap he; some woulda kick he.
Is time Donald open he eye. He got to deal wid nuff things. He already getting a slow grip on corruption but he still got to deal wid people who accustom to getting away wid everything.
Dem is de people who prove that once you got money you can get away wid anything.
Nuff of dem refuse to pay dem tax after thiefing and de Taxman don’t do dem nutten. Is get away dem done get away. Nuff of dem get in accident and walk without going to court. Some of dem does actually pay fuh get dem self out of trouble.
Then you got dem who got position like doctor and politician. Dem does get away wid murder. Real murder. Berry Berry is one. De police gun start hunting dem.
De politicians does get away wid murder too in more ways than one. Nuff of dem thief, but dem boys want to call dem thief to dem face. In any case de whole country know who is de thief.
Talk half and watch Bheri play he mad.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]