Latest update April 17th, 2024 12:59 AM
Jul 16, 2013 Dem Boys Seh, Features / Columnists, News
Last week this time de nation was hearing bout two murder. One of dem involve a man who was going to de bank wid he friend. De next thing dem boys know is that some gunmen tackle he and kill he friend. Then dem tek he money.
De dust hardly settle when more bandits kill a man at Mahaica. This week is another set of robbery and killing. Again is bandits killing people. One set go in a store in Guyhoc and run into some people who didn’t have gun but dem had bottle and dem, mek de brick and bottle talk. De bandits decide that dem gun shoot and end up killing a man.
More brick and bottle and more bullets; this time one of de bandits get shoot. Imagine that he friends lef he and run. He talking to de police right now.
Dem had another one who tek he joke li’l too far. He decide fuh rob a former police man. He peeing through two places. De ex policeman shoot he in he groin.
But is not everything suh serious. And old people always seh, wheh laugh cry deh. Some gunmen tackle Akbar Auto Sales and proceed to rob de place. While dem robbing de place one of de staff downstairs selling cow milk.
De joke start when de bandits come downstairs. De staff watch dem and ask dem if dem ain’t want cow milk to buy. De bandits watch eh and walk away. Two minutes later de staff get giddy because de rest of de staff run downstairs and holler how two bandits just rob dem. Is then de staff understand wha he do.
One man claim how de bandits want money to go to cricket; some claim how de bandits want money fuh Jamzone but one man tell dem boys that de man want money to build a big house like some Government Ministers.
De poor police busy, though.
Talk half and keep an eye pun dem bandits.
JAGDEO ADDING MORE DANGER TO GUYANA AND THE REGION
Apr 17, 2024
2024 CWI Regional 4-Day Championships Round 7…GHE vs. CCC Kaieteur Sports – After a highly-successful round 6, Guyana Harpy Eagles will look to take full advantage of the out-of-sorts...Kaieteur News – Every school teacher should take a close look at the students in his or her classroom. The probability... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]