De government vex bad wid de investment seminar because dem don’t want anybody come to Guyana fuh invest. De ABC countries did organize de investment seminar fuh help bring people fuh invest in Guyana.
Wha dem didn’t know is that dem got de big ones who don’t want anybody come and invest in Guyana. Dem want everything fuh demself. Dem got dem finger and dem hand in everything. Some of dem got dem mouth in it. Ask Rob Earth. He like talk.
But dem boys seh that he does shut he mouth bout certain things. To this day he can’t talk nutten bout de US$10 million contract wha he give BK and dem boys fuh wuk at Den Amstel and Parika.
Dem boys still remember when he carry de reporters fuh see de project and then he run way and lef dem reporter in de back dam. Dem ain’t gun forget de US$10 million. Donald got to ask wheh de money deh.
Donald also got to ask Irfaat who get all dem land between Eccles and Diamond in de back. Dem boys hear that foreigners get big land. Some sell and still got land lef back.
But sometimes Donald does got to tek he time before he seh some things. Tek de case of de hard words wha he tell, Uncle Brent Hard, de American Ambassador.
Now de man talk bout trafficking in person and Donald remind he that Guyana ain’t do nutten that it ain’t do last year. Yet it get drop pun de watch list.
He tell Uncle Brent that America got TIP too. But is when Uncle Brent tell he that America does ketch and jail people that he realize how bad things is in Guyana. Well Donald got something to tell he. Guyana jail a man de other day fuh de same TIP.
Donald also tell he that he can’t talk bout corruption because one of dem own come and corrupt Guyana from right inside de Embassy. Uncle Brent remind Donald that de man get jail, and good jail too
Talk half and tell Donald to deal wid de crooks here.
Sep 22, 2018The 2018 Indigenous Heritage Games (IHG) was officially kicked off by Minister of Indigenous Peoples Affairs, Sydney Allicock yesterday morning at the at the Everest Cricket Club (ECC) Ground,...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]