When de opposition decide to cut de money to GPL dem think that dem was hurting de power company. Dem didn’t know bout de backlash. Donald tell dem fuh raise de tariff. Well dem boys never hear people holler suh hard. De private sector holler; de housewife holler and de man who thiefing lights holler.
Donald sit down and wait. Before you know it, de opposition call fuh a meeting. Then dem beg. Dem promise Donald that dem gun put back wha dem cut if he get GPL fuh avoid raising de rates. City Hall beg first because GPL decide that it gun cut de lights to de market. Dem boys seh that even when dem got lights, people thiefing in de market. Imagine wha gun happen when de lights cut in de market.
Then GPL decide that dem gun cut de power to de Shelter Belt. Well that cause trouble. When dem got water buildings does burn down. Imagine wha gun happen when dem don’t have water.
Dem boys seh that de opposition tek dem things into consideration and promise Donald to give back de money that dem cut from de budget.
If only Bobby and Bharrat and Brazzy can give back money this country gun be a better place. All de money from NICIL woulda pay light bill fuh de whole country even if de opposition did cut de whole budget.
Dem boys waiting to see if GPL gun ask de people who own de Marriott o pay dem bill same way how dem ask Hammy to pay de bill.
And dem boys seh that dem waiting to see if dem shop gun full fuh Father’s Day. Wid two days to go and nobody ain’t buying nutten. Is like dem Father ain’t got value. Banks and DDL set up some hamper but de fathers got to pay fuh dem.
Suh is two set of spending. Dem fathers had to spend fuh Mother’s Day and now dem got to spend fuh Father’s Day. Some people didn’t have to spend though.
Talk half and check out de shopping.
Dec 08, 2019A brace from tournament MVP and highest goal scorer Martha Chance was enough to see 2018 runners-up North Georgetown beat 2018 Champions West Ruimveldt 2-1 in the final of the 2019 Smalta...
One literally cannot cope with the volume of news out there in the world. You are bound to miss out on many things. I read... more
The British Guiana Colonisation Scheme was never realised. There was never a plan to turn British Guiana into a colony of... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]