Latest update April 19th, 2024 12:59 AM
Jun 10, 2013 Dem Boys Seh, Features / Columnists, News
When a contractor don’t get wuk, he does always add on to de new job suh that he can mek up fuh when he wasn’t wukking. But while de contractor trying to mek money, de people who want to give out a new contract does try fuh cut corners because dem want to avoid spending.
Guyana got some boat wukking pun de river since de Man above mek de river. Dem boat suh old that now that Transport want to fix dem is better dem buy new boat but dem ain’t got de money to buy new boat. One man ask fuh an estimate to patch de boat name Kimbia but every time he see one plate fuh patch he realize that he got to tek out five.
In de end, dem boys seh that dem carry in de Kimbia to GNIC and hope fuh a reasonable estimate. GNIC did give one estimate but when de wuk start de estimate get more and more. Wha start off as a patch became a repair and what was fuh repair tun a new job. Transport now seh that GNIC over charge and it can’t pay. GNIC decide fuh hold on pun de boat.
Dem boys seh that de amount of money can buy three new boat—two fuh wuk and one fuh put down. This is wheh de trouble deh. Is every week a boat got to go in fuh repair. This one wha GNIC hold up nearly sink in de Atlantic couple weeks ago. That is why it end up in de dockyard.
But dem boys want to know is who price de wuk. If is Robeson then he trying fuh cut corner fuh mek up fuh pay fuh de hydro road. GNIC losing pun de wharf because people not shipping out dem cargo like dem use to. De cargo getting expose.
Now de matter got to go to Donald because Ah Kneel done threatening to go to court fuh get back de boat. And of course, Chang seh that dem should sink de boat and done de whole story.
Talk half and wait fuh de end of de boat story
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]