Latest update April 25th, 2024 12:59 AM
Jun 06, 2013 Dem Boys Seh, Features / Columnists, News
When Priya wake up de other morning, she didn’t expect to see school children looking like slave fetching wood to cook. Somebody wake up de children, dress dem fuh school and then send dem to de mountain fuh wood that somebody cut wid power saw. Boys and gyal had to wuk side by side. No exemption.
This thing was happening fuh some time and all de people talk nobody ain’t tek notice. One man seh that he even write a love letter to Priya, “Dear Priya. Dem have some li’l children wukking like drugga ants just to put some food in dem stomach. Your friend, Glenn.”
Nutten ain’t happen suh de man buy a camera and tek out de photo. He get more action that he could imagine. Priya get vex. She claim how de Waterfalls paper pay fuh de photo. Wha wrang wid that? What is worth having is worth paying for. Dem boys seh that she husband pay fuh de ring she wearing.
A team going in fuh see de children fetch de wood. Dem walking wid a tape to measure de children chest muscle and dem biceps fuh outfit dem fuh de Olympics body building competition.
Dem got other children doing some wuk in de city. None of dem more big than eleven but dem already know fuh repair road. Dem boys see a set wukking outside Ohh Pee filling a hole wha Donald shoulda full but wha he lef because he claim how de budget cut.
Was a small hole when it start but de people at Ohh Pee tek it fuh nutten. Now it get big. It nearly swallow Jagdeo car and is that mek dem li’l children run to borrow a donkey cart to do de repairs.
Priya didn’t hear bout de child labour in this case because de wuk was to help out Donald.
Dem now got a plan fuh tek de set in Georgetown and send dem to Plaisance to fix another road that Jagdeo bruck up. De powers can even send dem into de bush to fetch wood. Dem can use de cart.
Talk half and tell Priya don’t cuss de messenger
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]