Latest update April 18th, 2024 12:59 AM
May 30, 2013 Dem Boys Seh, Features / Columnists, News
When people beg and cry sometimes de people dem beg does be sorry fuh dem. And all who seh that Donald is a duck got to think again. De man send Ah Kneel to Nicaragua to cry and beg. De man do a very good job. He cry so much that de people who he beg and cry to, dem and all start to cry.
Guyana was to get blacklist but de way Ah Kneel cry de people seh that dem can’t blacklist Guyana till November. Now Donald got couple months to convince de opposition that dem should pass de Bill fuh stop money laundering.
Donald done meet wid Granger and he posse. He walk wid he bad dog Roger and dem boys was surprise that de meeting go suh smooth till dem hear that Roger almost sleep through and didn’t seh a word.
Is when Granger talk bout de radio licence that Roger wake up. He decide to carry de Jagdeo line till he hear bout de forgery.
One of de people who get a radio licence now got two different signature. Dem boys seh that it got to be de case because de lady sign she ID card one way and she sign she radio licence application another way.
Now that is a CRIMINAL offence because it mean that somebody else mek de application and put de lady name. That is why dem boys does seh that all of dem got to end up in jail. Is sheer corruption. Somebody go in de registry and pretend to be Rob Earth sister. De immigration people seh that dem had no record of de lady coming to Guyana yet she sign de licence. She had to be a magician.
But then again, people believed that Jagdeo use to run de country even after he lef office and he didn’t have to go to Ohh Pee. People see that and believe that dem don’t have to come to Guyana to sign radio licence form.
Talk half and check fuh dem forgeries.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]