Latest update April 19th, 2024 12:59 AM
May 12, 2013 Dem Boys Seh, Features / Columnists, News
Amaila was coming like a truck now it look like it going nowhere. Jagdeo build up people hopes when he talk bout a regular power supply. People start fuh picture life without blackout. Dem see big industries starting to operate in Guyana and of course de see people still thiefing but in de end de light bill woulda get smaller.
Of course when dem boys hear de price de first time de seh that things ain’t too bad. But then de price jump up two more times and dem boys get giddy. De project that start off costing US$500 million soon cost nearly double.
But even then was alright till dem boys hear that China gun change its exchange rate which mean that de price gun pass $1 billion.
Is everything pun de road getting more and more expensive. De road start off at US$15.4 million now dem done spend nearly US$30 million and de road ain’t done. Dem change three contractor and it look like if dem run out of contractor and if dem run out of contractor then it mean that dem run out of road. And if dem run out of road then dem gun run out of hydro. And that got some people smiling.
One man seh that wid all de corruption he was worried that half of de money fuh de hydro gun end up in people pocket. Already Fip was planning to collect US$10 million and dem boys know some other people who woulda collect three times wha Fip is to collect.
One man seh that it better that de country cut its losses and let de US$30 million go down de drain than fuh let de project continue and $100 million go down de drain or into people pocket.
But if de project go down de drain is another story. People gun talk how de money waste in de jungle. That money coulda repair most of dem road wha got people complaining and it coulda hire teachers to teach some of dem people who reading de news pun Hen See Hen.
Talk half and keep you eyes pun Amaila.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]