Cruelty is something that in everybody but some people more cruel that anybody can imagine. A long time ago a man hate he neighbour so much that he confess to a murder that he didn’t commit and claim how he neighbour commit de crime wid he. Both of dem get hang. That is how cruel one man was.
Well Sophia got even more cruel people than that. A man see a man coming out of a toilet and because he don’t like de man he holler fuh thief.
He neighbours run out and dem and all beat de man. Is then de cruelty start. Dem drag this man pun de road and when de man dead dem tie he to a post.
Now dem boys want to know how people can live wid demself. Of course dem got other cruel people. Some thief all dem could and fortify dem self while poor people hungry and only lef to dead. But dem same thiefing people don’t care.
Some of dem even go so far as to thief other people property without even thinking that dem people got children who need somewhere to live. And dem who got de property got more than dem can live in. That too is cruelty.
Well dem is de same people who when some days come dem does pray like if dem more holy than holy. Ed Ahmad thief and just like how thief man don’t see dem mattie wid bad, he set up he mattie thief man suh all of dem heading to jail.
Sometimes people does wonder why things always bad in Guyana but dem don’t realise that is de cruelty in people that mek de powers that control de earth, insist that punishment must stay wid Guyana till people learn fuh get good.
Talk half and hope that people get de cruelty out o de heart.
Jun 26, 2019By Sean Devers Romrima Tennis Club’s Gavin Lewis and Afruica Gentle captured the Lion’s share of the prizes presented by the Guyana Tennis Association (GTA) when the Awards Ceremony for the GBTI...
By Sir Ronald Sanders In what is increasingly becoming a pattern of ignoring established procedures and authority in the... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]