Donald should really revisit this radio frequency thing. If he really believe that this thing gone blow over like every other issue he got to think again. De matter now reach de United States Congress. A Congressman listen to de story and everybody know that dem people don’t mek joke wid press freedom.
Dem suh serious that dem got in dem constitution that no law shall pass that gun affect de operation of de press. That is how serious dem people does tek this thing and dem expect everybody fuh tek it just as serious.
Dem don’t mek joke like people in Guyana. Dem boys seh that people in Guyana mek so much joke that thing fuh cry dem laughing. In de heart of de city some people shoot up de police and people talking how one of dem police who get shoot run all de way to de Brickdam Police Station. He run and lef he colleagues.
Dem boys also hear that de gun dem had wasn’t wukking. One policeman barely get to fire three shots at de people who attack dem and de gun jam. It tek dem in de station a year and a half fuh clear it.
It got to be a reason why de police does give dem ranks gun that don’t wuk. Dem frighten that dem same police gun shoot people like dem head ain’t good.
Rohee mekking joke too. De camera that suppose to help fight crime didn’t capture de shooting because it point along Regent Street. All it ketch is people running away from de bullets.
Donald should call in de man who set up dem cameras and mek he pay fuh all because dem same cameras was to show vehicles coming into de city and dem that leaving. De cameras don’t even see that because dem boys hear that de car end up in Turkeyen.
De man who kill de girl at Plastic City didn’t mek joke fuh let he bowels go off. He was to go to court at a certain time fuh face de murder charge. That is when he bowels go off. He reach de court two hours later.
Dem boys seh that it had to be a powerful bowel movement.
Talk half and think bout dem joker in de place.
Jun 17, 2019By Sean Devers The National Squash Championships began back in the 1960s and yesterday at the GT Club, the finals of the 2019 KFC National Seniors Championships produced high-standard Squash with...
In the just concluded congress of the AFC, a motion was put to the floor to make Khemraj Ramjattan the AFC’s prime ministerial... more
By Sir Ronald Sanders Make no mistake about it, the election of St Vincent and the Grenadines – one of the world’s... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]