Latest update February 7th, 2025 2:57 PM
Apr 10, 2013 Dem Boys Seh, Features / Columnists, News
Dem got graft and graph. Nowadays all de people talking about is de graph like if dem doing Maths. In Maths you got to plot graph to get a true measurement of things. Dem boys seh that in de government dem got people who ain’t got to plot no graph to know how much money dem got.
Then dem got polygraph. Dem boys know that nuff ah dem people in Parliament should tek de polygraph because dem got something scampish bout dem. Of course dem does try to hide dem scampishness but de polygraph gun expose all.
Now one and two of dem don’t thief. All of dem know bout thiefing and some of dem does thief and this is when de polygraph got to come in. Dem boys done prepare de question. One question got to be if dem ever tek anything that is not dem own. De other question got to be how much.
De man asking de question gun need more than one machine because de extent of de lie might mek some of dem stop wukking fuh good.
One man fuh sure can’t tek de polygraph test but fuh sure, if was graft he woulda deh at de front of de line. But he would never go near a polygraph machine. From de time he pass de machine would start to record. Nobody ain’t got to ask no question.
But as dem boys seh, de longest rope got an end. Some of dem get really worried, because dem boys did tell dem that de Man above don’t like wicked and evil and dem wha crooked gun get de final call.
Two of dem run fuh a medical checkup and one of dem try to get to a doctor but he wife tell he wait. And while he waiting all dem doctor calculating how much dem gun charge because when people frighten is then dem does fork out de money.
De other day a doctor tell a li’l boy that he got cancer and it gun cost de parents a million dollars. When de parents go to de Minister and de Minister send dem to de same doctor. De doctor get vex because he couldn’t charge. He too woulda fail de polygraph.
Talk half and prepare fuh de polygraph.
Feb 07, 2025
2025 CWI Regional 4-Day Championships Round 2…GHE vs. CCC Day 2 -Eagles (1st innings 166-6, Imlach 58*) trail CCC by 209 runs Kaieteur Sports- Combined Campuses and Colleges (CCC) owned Day 2...Peeping Tom… Kaieteur News-There is little dispute that Donald Trump knows how to make an entrance. He does so without... more
Antiguan Barbudan Ambassador to the United States, Sir Ronald Sanders By Sir Ronald Sanders Kaieteur News- The upcoming election... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]