Rum does mek people do some strange things. It does mek some people talk sheer stupidness. Some people does cry and some does fight. And de same rum does mek people talk dem mind. That is why dem boys seh that when people tell you certain things when dem drunk dem had it in dem mind to tell you all de time.
A young boy from Ireland come to Guyana and de hardship get to he. Guyanese got to live wid this hard time all de time suh till dem even get a Hard Times newspaper. The young boy from Ireland couldn’t tek it and he talk he mind. He drunk as a fish and he claim how he would shoot Donald in he head. De poor boy never handle a gun. Is drunk he drunk and is joke he did mekking.
A party man hear de statement and he think he gun get promotion. He report and de police arrest de boy. Imagine if dem do that to a drunk man wha dem gun do to a sober man. Dem woulda lost he way in jail.
Is de same thing dem do to a li’l boy who stick up he middle finger to Jagdeo motorcade. Jagdeo didn’t even see but de police claim how de boy shake he finger at Jagdeo. This time Donald ain’t hear bout de threat and dem boys ain’t sure that de man seh President Donald Quack.
De other thing is that people got a way when dem sit down and drinking dem does shoot nuff thing. De White people does talk bout shooting breeze. Guyanese does shoot sh—t. Dem boys don’t know if that is wha de boy did mean, that he would shoot sh—t wid Donald. He know that he was shooting nuff sh—t when he was drinking and that is wha put he in trouble.
When de case done dem gun ship de boy back to Ireland and only he know wha gon deh in he mind.
Talk half and don’t shoot sh—t.
Jul 30, 2021Past and future athletes showcase power… Kaieteur News – The oldest and youngest competitors at last Sunday’s Guyana Amateur Powerlifting Federation (GAPLF) Intermediates and Masters...
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]