De people in Plaisance vex. Dem now watch how dem playground get tek away fuh mek a personal playground fuh some people who come and build dem house pun de seawall. Dem boys hear that dem Chinee can play there too.
It gun be sheer Chu Chung Lin and Fu Who Talk. Is just like de radio station situation.
Piece of de playground gun form a personal driveway fuh some of dem same people who live pun de seawall in some mansion that de very people who live in dem didn’t believe that dem woulda ever own.
Brazzy don’t live deh but he and all put people in distress. Every contract he sign is trouble. He did sign one fuh he brother and when people talk he claim how he do it in de best interest of de people. Dem boys seh that he is more than one person suh he got to be people and is in he interest.
Imagine he sign a contract that if de airport project delay Guyana got to pay $1.4 million every day. Fuh sure dem Chinee ain’t stupid. Dem know that Guyanese like a bribe suh all dem got to do is pay dem who got to supply de sand and de stone a small piece. If dem give every contractor $1 million then right away dem boys can see de profit.
Six day penalty money gun open de door fuh dem Chinee collect $100 million. Brazzy sign that contract and people suspect that he got a reason. He can collect a share and de people of Guyana got to pay fuh everything.
People use to wonder why dem can’t get a pay increase. Now dem know. De money that dem woulda get going to some private people pocket. That is why dem have de saying that de rich getting richer and de poor, poorer. Is only shame mek dem ain’t tax de people more.
Talk half and wait fuh de war wid de playground.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]